رانی پورتشددکیس فاطمہ کی ابتدائی میڈیکل رپورٹ جاری

مقتولہ فاطمہ کے پورے جسم پر تشدد کے نشانات ہیں، تصدیق کے لیے نمونے لیبارٹری بھجوا دیے گئے۔

میڈیکل بورڈ نے مقتولہ فاطمہ کے جسم پر تشدد کی نشاندہی کر دی،ابتدائی میڈیکل رپورٹ ایڈیشنل پولیس سرجن شھید بینظیر آباد نے بورڈ کے تمام 8 ڈاکٹرز کے دستخط کے ساتھ جاری کی۔

ڈی آئی جی سکھر جاوید جسکانی نے کہا کہ حویلی میں پولیس کیمپ قائم کرکے تمام مردوں کے ڈی این اے سیمپل لیے جائیں گے۔

پولیس حکام کے مطابق حویلی میں اب بھی کئی بچیاں گھریلو ملازم کے طور پر محصور ہیں۔

ملزم اسد شاہ جسمانی ریمانڈ پر پولیس کی تحویل میں ہے  جبکہ اس کی بیوی حنا شاہ ضمانت قبل از گرفتاری کراچکی ہے۔ فاطمہ کی والدہ کا کہنا ہے کہ حنا شاہ کیس واپس لینے کیلئے دباؤ ڈال رہی ہے۔

کم سن گھریلو ملازمہ فاطمہ پر تشدد کی تصدیق اور جنسی زیادتی کا خدشہ#GNN #GNN_Updates #gnnnews #Newsupdates #Breakingnews pic.twitter.com/KMFW1Nt02B

— GNN (@gnnhdofficial) August 20, 2023