چوہدری پرویز الہیٰ کے جسمانی ریمانڈ میں 29 اگست تک توسیع

لاہور کی احتساب عدالت نے سابق وزیراعلی پنجاب چوہدری پرویز الہیٰ کاجسمانی ریمانڈ میں 29 اگست تک توسیع کر دی۔

لاہور نیب لاہور کی ٹیم نے چوہدری پرویز الہیٰ کو احتساب عدالت پیش کیا ،  ترقیاتی منصوبوں میں کک بیکس لینے کا الزام  میں نیب لاہور نے پرویز الہیٰ سے تحقیقات کے لیے 29 اگست تک جسمانی ریمانڈ حاصل کر لیا ہے۔ احتساب عدالت کے جج زبیر شہزاد کیانی سماعت کی

پرویز الٰہی  کے وکیل امجد پرویز نے کہا کہ پرویز الٰہی کی بار بار گرفتاری کا معاملہ لاہور ہائیکورٹ اور سپریم کورٹ میں زیر سماعت ہے ۔سپریم کورٹ نے لاہور ہائیکورٹ کو حکم دیا کہ 21 اگست تک کیس سن کر فیصلہ کریں ۔لاہور ہائیکورٹ میں ابھی تک کیس سنا نہیں گیا آج سماعت ہونی ہے ۔ عدالت مناسب وقت کے لیے اگر پرویز الٰہی کا جسمانی ریمانڈ منظور کر لے ہمیں کوئی اعتراض نہیں ۔

جج زبیر شہزاد کیانی نے استفسار کیا کہ آپ بتا دیں کتنے دن کے لیے ایگری ہیں جس پر امجد پرویز نے کہا کہ پیر تک اگر ریمانڈ دے دیا جائے تو کوئی اعتراض نہیں ہے۔

سماعت کے دوران پرویز الہیٰ روسٹرم پر آگئے، پرویز الہیٰ نے کہا کہ اس وقت مجھے سیدھا کھڑا ہونے میں پرابلم ہے۔میرے گھٹنے سوجے ہوئے ہیں میری طبعیت ٹھیک نہیں ہے ۔ پرویز الہیٰ نے کہا کہ میری گزارش ہے میرے ذاتی ڈاکٹرز کو معائنے کی اجازت دی جائے،میرا سارا نظام خراب ہوا پڑا ہے جس عدالت نے پرویز الہیٰ کو نیب حراست میں  ذاتی ڈاکٹر اور گھر والوں سے ملنے کی اجازت دے دی۔

 نیب رپورٹ میں کہا گیا کہ پرویز الہیٰ پر غیر قانونی طور پر ٹھیکے دینے کا الزام ہے، پرویز الہیٰ پر ترقیاتی منصوبوں میں اربوں روپے کا قومی خزانے کو نقصان پہنچانے کا الزام ہے۔ نیب کا مزید کہنا ہےکہ پرویز الٰہی نے بطور وزیر اعلی خاص مقاصد کے لیے شریک ملزمان سے ملکر گجرات کے لیے 116 سکیمیں منظور کرائیں۔

نیب نے پرویز الٰہی کا مزید چودہ دن کا جسمانی ریمانڈ مانگ لیا جس پر احتساب عدالت لاہور نے پرویزالٰہی کا 29 اگست تک مزید جسمانی ریمانڈ دے دیا۔