صدر عارف علوی کا ٹویٹ ملک میں بھونچال لے آئے ہیں،شیخ رشید

عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے ک صدر عارف علوی نے اپنے ٹویٹر اکاؤنٹ سے ٹویٹ کر کے بھونچال لے آئے ہیں، اب نہ نگران وزیر قانون کو اور  نہ ہی لاء منسٹری کو سمجھ آرہی ہے کہ وہ کیا کریں، مسئلہ سلجھنے کی بجائے الجھ رہا ہے۔

اپنے ٹویٹ میں شیخ رشید کا کہنا تھا کہ آئندہ 3 ہفتوں میں سپریم کورٹ اہم فیصلے کرے گی جس میں مردم شماری سے لے کر نیب، توشہ خانہ اور اب سیکرٹ ایکٹ بھی شامل ہو جائے گا۔پچھلے 3 دنوں سے دنیا کے میڈیا اور پاکستان کے میڈیا پر ٹویٹ اور صرف صدر کا ٹویٹ ہی چل رہا ہے۔

صدر عارف علوی نے اپنے ٹویٹر اکاؤنٹ سے ٹویٹ کر کے بھونچال لے آئے ہیں نہ نگران لاء منسٹر کو نہ لاء منسٹری کو سمجھ آرہی ہے کہ وہ کیا کریں مسئلہ سلجھنے کی بجائے الجھ رہا ہے آئندہ 3 ہفتوں میں سپریم کورٹ اہم فیصلے کرے گی جس میں مردم شماری سے لے کر نیب توشہ خانہ اور اب سیکرٹ ایکٹ بھی…

— Sheikh Rashid Ahmed (@ShkhRasheed) August 22, 2023

انہوں نے کہا کہ 16 مہینے میں عوام کو جو مہنگائی کا ٹیکہ لگا ہے اس سے عوام انتہائی پریشان ہے۔ معاشی، سیاسی اور اقتصادی حالات انتہائی سنگین ہورہے ہیں اور ڈالر روپے کے مقابلے میں پکڑائی نہیں دے رہا۔ کارخانے بند ہونے سے غریب بیروزگاری کی بھینٹ چڑ گیا ہے۔ عوام کا نام ہی ریاست ہے اور اگر عوام خوشحال پرسکون ہوں گے تو ریاست مستحکم اور خوشحال ہوگی۔