صدر مملکت ڈاکٹر عارف علوی کو سیکرٹری وقار احمد کا خط

صدر مملکت کے سیکرٹری وقار احمد نے صدر کو خط لکھ کر حقائق سے پردہ اٹھاتے ہوئےتمام الزامات کو بے بنیاد قرار دے دیا ۔ خدمات واپس اسٹیبلشمنٹ ڈویژن کوواپس کرنے کی سفارش پر سیکرٹری وقار احمد نے صدر مملکت عارف علوی کو خط ارسال کیا

صدرمملکت کے سیکرٹری وقار احمد کا خط میں کہنا تھاکہ  صدر نے میری خدمات اسٹیبلشمنٹ ڈویژن کو واپس کرنے کو کہا ہے، صدر نے عوام کیلئے پیغام دیا سیکرٹری خلاف ضابطہ سرگرمی میں ملوث ہیں۔

سیکرٹری وقار احمد نے نے صدر سے درخواست کی ہے کہ معاملے کی ایف آئی اے یا کسی اور ایجنسی سے تحقیقات کرائی جائے۔کسی افسر سے غیرذمہ داری یا کوتاہی ہوئی تو تحقیقات ،ذمہ دار کا تعین کیا جائے۔کسی عدالت نے مجھے بلایا تو بے گناہی ثابت کرنے کیلئے ریکارڈ پیش کروں گا ۔صدر حقائق سے آگاہ میں تاخیر یا صدارتی دفتر کی بے توقیری کا ذمہ دار نہیں۔صدر میری خدمات اسٹیبلشمنٹ ڈویژن کو واپس کرنے کی سفارش واپس لیں۔

خط میں کہنا تھاکہ آفیشل سیکریٹ ایکٹ ترمیمی بل8اگست کو دفتری اوقات کے بعد موصول ہوا ۔آفیشل سیکرٹریٹ ایکٹ ترمیمی بل فائل نبر 204-5،این اے ،ڈی ای 23کے ساتھ صدر کوپیش کردیا۔آفیشل سیکرٹری ایکٹ ترمیمی بل ڈائری نمبر 196ایس کے ساتھ صدر کوپیش کردیا۔نوٹ میں لکھا وزیراعظم کی ایڈوائس 8اگست کو ملی،10دن کا وقت17اگست کو پوا ہوگا۔

صدرمملکت کے سیکرٹری وقار احمد کا خط میں کہنا تھاکہ حقائق واضح ،میں نے بلوں کے معاملے میں کوئی تاخیر کی نہ کوتاہی ،دونوں فائلیں آج 21اگست تک صدر کے دفتر میں موجود ہیں، خدمات اسٹیبلشمنٹ ڈویژن کو واپس کرنے کی سفارش غیرمنصفانہ فیصلہ ہے۔