چینی کی قیمت آسمان سے باتیں کرنے لگی

کراچی میں چینی کی  قیمت آسمان سے باتیں کرنے گی،چینی 19روپے اضافے کے ساتھ  162روپے فی کلو فروخت ہونے لگی

جہاں عوام کو دیگر ضرویات زندگی کو پورا کرنے میں دشواری کا سامنا ہے وہیں چینی کی قیمت میں بھی مسلسل اضافہ ہو رہا ہے۔ ہول سیل مارکیٹ میں چینی کی قیمت میں  19روپے فی کلو اضا فہ کیا گیاہے، اس طرح چینی کی قیمت عام مارکیٹ میں 162 روپے فی کلو تک پہنچ گئی۔

واضح رہے کہ چینی کی قیمت میں جولائی سے اگست تک  19روپے کا اضافہ ہوا، اس سے پہلے جولائی کے آخر میں چینی 134 روپے فی کلو فروخت ہورہی تھی۔

شہریوں کا کہنا ہے کہ دن بدن ہونے والی مہنگائی تو کم ہونے کا نام ہی نہیں لے رہی، لوگوں نے یہ بھی کہا کہ مہنگائی تو کم نہ ہوئی تو ہم نے چیزوں کی مقدار میں کمی کر دی ہے، جہاں ہم پانچ کلوچیز لیتے تھے وہاں دو کلو لیتے ہیں۔