الیکشن90 روز میں نہ کروانے کے خلاف شہری نے عدالت میں درخواست دائر کردی

لاہو ہائی کورٹ میں محمد نقاط سلیم ایڈووکیٹ نے الیکشن کمیشن آف ہاکستان کی جانب سے عام انتخابات 90 روز کے اندر نہ کرانے کے خلاف درخواست دائر کی ہے، درخواست میں الیکشن کمیشن، وفاقی حکومت، ادارہ شماریات اور دیگر کو فریق بنایا گیا ہے۔

درخواست میں استدعا کرتے ہوئے موقف پیش کیا گیا ہے کہ آئین کے مطابق 90 روز میں انتخابات منعقد ہونے چاہیے، الیکشن کمیشن کے جاری نوٹیفکیشن کو درخواست کے فیصلے تک معطل کیا جائے، اور عدالت الیکشن کمیشن کو پابند کرے کہ اکیشن کمیشن 90 روز میں انتخابات کروائے۔

درخواست میں درخواستگزار کی طرف سے مؤقف اختیار کرتے ہوئے استدعا کی گئی ہے کہ الیکشن کمیشن کا موقف آرٹیکل 224 سیکشن 17 شق دو الیکشن ایکٹ 2017 کی خلاف ورزی ہے، 5 اگست 2022 کو مرد شماری کے اعداد و شمار چھپ چکے ہیں، اور ایک سال کی تاخیر سے حلقہ بندیوں کا سلسلہ شروع کیا جا رہا ہے۔