نیب نے مریم نواز کی ضمانت منسوخی کی درخواست واپس لے لی

میڈیا ذرائع  کے مطابق سپریم کورٹ آف پاکستان نے  مسلم لیگ ن کی سینئر نائب صدر مریم نواز کی ضمانت منسوخی کی درخواست پر سماعت کی ، چیف جسٹس عمرعطا بندیال کی سربراہی میں 3  رکنی بنچ نے کیس کی سماعت کی۔

پراسیکیوٹر نے کہا کہ نیب ترامیم کی بنا پر موجودہ کیس واپس لے رہے ہیں۔

چیف جسٹس نے تحریری جواب پڑھنے کی ہدایت کی تو نیب پراسیکیورٹر نے کہا کہ  مریم نواز کا کیس نیب ترامیم کے بعد قابل سماعت نہیں رہا، موجودہ کیس واپس لے رہے ہیں، براہ کرم درخواست خارج کرنے کی بجائے اسے نمٹا دیں۔

جس پر چیف جسٹس نے ریمارکس دیے کہ اگر درخواست نمٹائیں گے تو کیا آپ کو پسند آئے گا؟ عدالت نے مریم نواز کیخلاف نیب درخواست خارج کرتے ہوئے کیس نمٹا دیا۔

سپریم کورٹ کی جانب سے درخواست نیب کی جانب سے واپس لینےکی بنیاد پر نمٹادی گئی۔

نیب نے مریم نواز کی ضمانت منسوخی کی درخواست واپس لے لی#GNN #GNN_Updates #gnnnews #newsupdates #breakingnews pic.twitter.com/vHPFJarhj4

— GNN (@gnnhdofficial) August 22, 2023