اٹک جیل میں عمران خان پر کیمرے نصب ایڈیشنل سیشن جج کی رپورٹ

عمران خان کی جیل کی صقرتحال پرایڈیشنل سیشن جج نے  ایک رپورٹ جاری کی  اس رپورٹ میں کہا گیا ہے کہ جیل  معائنے کے دوران جیل کے اس کمرے کا بھی دورہ کیا گیا جس میں سابق وزیر اعظم عمران خان کو  قید میں رکھا گیا ہے ۔

ایڈیشنل سیشن جج کی رپورٹ کے مطابق عمران خان نے اس موقعے پر چند تحفظات اور خدشات کا بھی اظہار کیا۔

اس رپورٹ کے مطابق عمران خان کا کہنا تھا کہ ’سیل کے سامنے پانچ سے چھ فٹ کے دوری پر سی سی ٹی وی کیمرے لگائے گئے ہیں، جن کا رخ اوپن واش روم کی جانب ہے جس کی دیوار ڈھائی سے تین فٹ اونچی ہے ۔

عمران خان نے ایڈیشنل سیشن جج کو براہ راست بتایا  کہ ’اس طرح سے رفع حاجت اور غسل کرتے ہوئےبھی  کوئی پرائیویسی نہیں رہتی۔‘

ایڈیشنل سیشن جج نے اپنی رپورٹ میں عمران خان کے خدشات کو صحیح قرار دیتے ہوئے لکھا ہے کہ یہ پاکستان پرزن رولز 1978 کے قانون 257 اور 771 کی کھلم کھلی خلاف ورزی ہے۔

رپورٹ میں کہا گیا کہ سپرنٹنڈنٹ جیل نے شکایات کے ازالے کی یقین دہائی کرائی ہے۔