رضوانہ تشدد کیس،سول جج عاصم حفیظ کو نوکری سے برخاست کی درخواست سماعت کےلئے منظور

اسلام آباد ہائی کورٹ میں کمسن بچی رضوانہ پر تشدد کے کیس میں سول جج عاصم حفیظ کو نوکری سے برخاست کرنے کےلئے درخوست سامعت کےلئے منظور کر لی گئی۔ اسلام آباد ہائی کور ٹ نے وفاقی حکومت اور ایڈووکیٹ جنرل آفس کو نوٹسز جاری کرکے معاونت طلب کر کے سماعت کو غیر معینہ مدت تک ملتوی کر دیا ہے۔

کمسن گھریلو ملازمہ رضوانہ پر تشدد کیس میں نامزد سول جج عاصم حفیظ کو نوکری سے برخاست کرنے کی درخواست دائر کی گئی تھی، درخواست سول سوسائٹی نیٹ ورک اسلام آباد کے صدر عبد اللہ ملک کی جانب سے دائر کی گئی ہے، چیف جسٹس اسلام آباد ہائیکورٹ عامر فاروق آج سول جج عاصم حفیظ کو نوکری سے نکالنے کی درخواست پر سماعت کی

واضع رہے کہ سول جج عاصم حفیظ کی اہلیہ کمسن رضوانہ پر تشددکے الزام میں جوڈیشل ریمانڈ پر ہیں جبکہ لاہور ہائیکورٹ نے سول جج عاصم حفیظ کو متعلقہ کیس میں او ایس ڈی بنا رکھا ہے۔

سول جج عاصم حفیظ کیس کی تفتیش کے لیے بنائی گئی جے آئی ٹی کی جانب سے 5 بار بلائے جانے کے باوجود تاحال شامل تفتیش نہیں نہیں ہوئے اور ان کا مؤقف ہے کہ جب تک لاہور ہائیکورٹ کے تحریری احکامات نہیں ملتے تو اس وقت تک جے آئی ٹی کے سامنے پیش نہیں ہوں گا۔