ایشیا کپ 2023 میں شرکت کیلئے نیپالی کرکٹ ٹیم پاکستان پہنچ گئی

ایشیا کپ 2023 میں شرکت کیلئے نیپالی کرکٹ ٹیم پاکستان پہنچ گئی، کراچی پہنچنے پر ٹیم کا پرتپاک استقبال کیا گیا، ایئرپورٹ سےنیپالی ٹیم کو سخت سکیورٹی حصار میں ہوٹل منتقل کیا گیا۔

نیپال کی ٹیم 24 اگست کو کراچی میں پریکٹس میچ کھیلے گی جبکہ 25 اگست کو ٹریننگ سیشن ہوگا اور نیپال کی ٹیم 26 اگست کو دوسرا پریکٹس میچ کھیلے گی۔نیپال کرکٹ ٹیم نے پاکستان کرکٹ بورڈ سے ایونٹ شیڈول سے قبل پاکستان آنے کی درخواست کی تھی جسے منظور کرلیا گیا تھا۔

.@CricketNep have arrived in Karachi ahead of their participation in #AsiaCup2023 ?@PakinNepal pic.twitter.com/43Az0OxcnU

— Pakistan Cricket (@TheRealPCB) August 23, 2023

پاکستان اور نیپال کے درمیان ایشیا کپ کا پہلا میچ 30 اگست کو ملتان میں کھیلا جائے گا۔

واضح رہے کہ ایشیا کپ دو مرحلوں میں منعقد ہوگا، ابتدائی 4 میچز پاکستان میں جبکہ باقی میچز سری لنکا میں کھیلے جائیں گے۔