حکومت کی طرف سے مہنگائی کی چکی میں پسی عوام کو ہائی وولٹج کے جھٹکے

حکومت کی طرف سے مہنگائی کی چکی میں میں پسی عوام  کو ہائی وولٹج کے جھٹکے،ڈسکوز کی درخواست پر نیپرا نے بجلی 5 روپے 40 پیسے فی یونٹ مزید مہنگی کر دی۔لائن لاسز اور بجلی چوری کی مد میں 7 ارب 35 کروڑ روپے وصول کرنے کی درخواست کی گئی تھی۔

نیپرا نے سہہ ماہی ایڈجسمنٹ کی مد میں ڈسکوز کی جانب سے بجلی 5 روپے فی یونٹ مہنگی کرنے کی درخواست پر سماعت کی جس کے بعد بجلی کی قیمت سہ ماہی ایڈجسٹمنٹ کے تحت 5 روپے 40 پیسے فی یونٹ مہنگی کردی گئی۔

نیپرا کی جانب سے بجلی مہنگی کرنے کی منظوری سے عوام پر 145 ارب روپے سے زائد کا بوجھ پڑے گا، ڈسکوز نے بجلی کی قیمت میں اضافے کی درخواست درخواست 23-2022ء کی چوتھی سہہ ماہی ایڈجسٹمنٹ کی مد میں دی تھی۔

رپورٹ کے مطابق فیسکو نے 23 ارب 49 کروڑ، گیپکو نے 16 ارب 13 کروڑ کا اضافہ مانگا جبکہ حیسکو اور آئیسکو نے 9، 9 ارب روپے کے اضافے کی درخواست دی تھی۔درخواست میں لیسکو نے 31 ارب، میپکو نے 27 ارب سے زائد کا اضافہ مانگا تھا، پیسکو 9 ارب، کیسکو 7 ارب، سیپکو 5 اور ٹیسکو نے 4 ارب کا اضافہ مانگا۔

نیپرا نے سہ ماہی ایڈجسٹمنٹ کے تحت پر بجلی 5 روپے 40 پیسے فی یونٹ مہنگی کردی۔ نیپرا کا کہنا ہے کہ بجلی تقسیم کار کمپنیز کے موجودہ ڈھانچے میں صارفین کو ریلیف ملنا ممکن نہیں۔