ایمازون نے پاکستان کو سیلرلسٹ میں شامل کرلیا

تفصیلات کے مطابق  مشیر تجارت  عبدالرزاق داؤدکی جانب سے سماجی رابطے کی ویب سائٹ  ٹوئٹر پر جاری بیان میں  کہنا تھا کہ ہم  نے کردکھایا ہے ، ایمازون کے ساتھ گزشتہ سال سے بات چیت چل رہی تھی،اور اب یہ باضابطہ طورپر   مکمل ہو رہا ہے۔   انہوں نے کہا کہ ایمازون کچھ روز میں پاکستان کو اپنے فروخت کنندگان کی فہرست میں شامل کرےگا۔  ہمارے نوجوانوں ، ایس ایم ایز اور خواتین کاروباری افراد کے لئے ایک بہت بڑا موقع ہے۔   

مشیرِ تجارت نے کہا کہ ای کامرس پالیسی کا ایک اہم سنگ میل پورا ہورہا ہے،  ایمازون لسٹ میں شامل ہونا ٹیم ورک کا نتیجہ ہے۔

An important milestone of e-Commerce policy achieved has been through teamwork by many people across the globe.#amazon @aliya_hamza #ecommerce #MakeinPakistan #Pakistan

— Abdul Razak Dawood (@razak_dawood) May 6, 2021

دوسری جانب  وزیر اعظم کے معاون خصوصی برائے سیاسی امور  شہباز گل نے بھی ٹوئٹر پر اس خبر کوشئیر کرتے ہوئے  خوشی کا اظہار کیا۔ان کاکہنا تھا کہ پاکستان کی تاریخ میں جو کام پچھلے دس سال سے نا ہوسکا وہ بالآخر موجودہ حکومت نے کر دکھایا ہے ۔ایماوزن  نے پاکستان کو سیلر لسٹ میں شامل کردیا ہے۔  اس سے پاکستان عالمی منڈی میں شامل ہوگیا ہے۔انہوں نے وزیراعظم ک شکریہ اداکرتے ہوئے کہا کہ اس سے اربوں کی سرمایہ کاری اور روزگار کے مواقع پیدا ہوں گے۔

پاکستان کی تاریخ میں جو کام پچھلے دس سال سے نا ہوسکا وہ بالآخر موجودہ حکومت نے کر دکھایا۔

AMAZON نے پاکستان کو سیلر لسٹ میں شامل کردیا ہے۔

اس سے پاکستان عالمی منڈی میں شامل ہوگیا ہے۔اس سے اربوں کی سرمایہ کاری اور روزگار کے مواقع پیدا ہوں گے. شکریہ عمران خان pic.twitter.com/c7PIqHCUTU

— Dr. Shahbaz GiLL (@SHABAZGIL) May 5, 2021

واضح رہے کہ دنیا کے سب سے بڑے ای کامرس پلیٹ فارم ایمازون کی سیلر لسٹ میں شامل ہونے سے پاکستان میں اربوں روپوں کی سرمایہ کاری ہوگی اور روزگار کے مواقع میسر آئیں گے۔اس لسٹ میں شامل ہونے سے پاکستان میں ای کامرس کو فروغ ملے گا اور صارفین کو معیاری اشیاء دستیاب ہوں گی۔خیال رہے کہ آن لائن ریٹیل کی عالمی شہرت یافتہ امریکی کمپنی ایمازون دنیا کی سب سے زیادہ قابلِ قدر کمپنیوں میں سے ایک ہے جس کے بانی جیف بیزوس ہیں۔