طالبان نے یونیورسٹی اسکالرشپ کے لیے دبئی جانے والی 100 خواتین کو سفر کرنے سے روک دیا

طالبان نے یونیورسٹی اسکالرشپ کے لیے دبئی جانے والی 100 خواتین کو سفر کرنے سے روک دیا، افغان خواتین کو متحدہ عرب امارات کے کاروباری گروپ نے اسپانسر کیا تھا

دبئی میں قائم ایک اتحاد کے سربراہ نے کہا کہ افغانستان کے طالبان حکام نے تقریباً 100 خواتین کو متحدہ عرب امارات جانے سے روک دیا ہے جہاں وہ ان کی یونیورسٹی کی تعلیم کو سپانسر کرنے والے تھے۔

الحبطور گروپ کے بانی چیئرمین خلف احمد الحبطور نے سوشل میڈیا پلیٹ فارم ایکس پر اپنے ویڈیو پیغام میں کہا کہ انہوں نے یونیورسٹی میں طالبات کو اسپانسر کرنے کا منصوبہ بنایا تھا اور انہیں بدھ کی صبح متحدہ عرب امارات لانے کے لیے انہوں نے ایک طیارے کے اخراجات ادا کیے تھے۔

I am unable to express the disappointment I feel now as The Afghan female students, whom I had provided an educational scholarship in collaboration with the @uniofdubai presented by Dr. Eesa Al Bastaki @ebastaki, were unfortunately unable to reach #DubaiAirport this morning to… pic.twitter.com/gJK9dB2yTf

— Khalaf Ahmad Al Habtoor (@KhalafAlHabtoor) August 23, 2023

انہوں نے ویڈیو میں کہا کہ طالبان حکومت نے ان لڑکیوں کو اجازت دینے سے انکار کر دیا جو یہاں پر تعلیم حاصل کرنے آ رہی تھیں ،انہوں نے انہیں ہوائی جہاز میں سوار ہونے کی اجازت دینے سے انکار کر دیا اور ہم نے طیارے کے لیے پہلے ہی ادائیگی کر دی ہے۔ ہم نے ان کے لیے یہاں رہائش، تعلیم، نقل و حمل کی سیکیورٹی، ہر چیز کا انتظام کیا ہوا ہے۔

غیر ملکی خبر رساں ایجنسی کے مطابق طالبان انتظامیہ اور افغان وزارتِ خارجہ کے ترجمان نے اس معاملے پر ابھی تک فوری جواب نہیں دیا۔