عدالت نے چئیرمین پی ٹی آئی کو ایک اور مقدمے میں گرفتار کرنے کی اجازت دے دی

میڈیا ذرائع  کے  مطابق انویسٹی گیشن پولیس نے انسداد دہشت گردی عدالت  میں جناح ہاؤس جلاؤ گھیراؤ کے مقدمے  میں چیئرمین پی ٹی آئی سےپولیس کو  تحقیقات کرنے اور ان کی گرفتاری کے لیے درخواست دائر کی تھی۔

ڈی آئی جی انویسٹی گیشن لاہور  کی جانب سے دی گئی  درخواست میں ڈی آئی جی انویسٹی گیشن نے مؤقف اپنایا  کہ  چیئرمین پی ٹی آئی کو  الیکشن ایکٹ کے تحت سزا سنائی گئی ہےا ور ان کو اٹک جیل میں رکھا گیا ہے، وہ جناح ہاؤس جلاؤ گھیراؤ کے مقدمے  میں مطلوب ہیں  اور ان کی گرفتاری پولیس کو درکا ر ہے  عدالت سے استدعا ہے کہ گرفتاری کی اجازت دی جائے۔

انسداد دہشت گردی عدالت کے جج اعجاز احمد بٹر نے پولیس کی درخواست کو منظور کرتے ہوئے چیئرمین پی ٹی آئی کی مکمل  تحقیقات اور گرفتاری کی اجازت دے دی۔

پولیس حکام کا کہنا ہے  کہ عدالتی حکم نامہ لے کر  پولیس چیئرمین پی ٹی آئی  سے  تحقیقات کے لیے تفتیشی ٹیم اٹک جیل روانہ ہوگی ، پوچھ گچھ کے بعد تفتیشی ٹیم اپنی تحقیقات مکمل کر کے رپورٹ  عدالت میں جمع کروائے گی۔

جناح ہاؤس حملہ کیس میں چیئرمین پی ٹی آئی کو گرفتار کرنے کی اجازت#GNN #NewsUpdates #BreakingNews #GNN_Updates pic.twitter.com/3yLvTXGfeY

— GNN (@gnnhdofficial) August 24, 2023