رانی پور فاطمہ کیس پیروں نے ڈاکوؤں کی جانب سے بچی کے ورثا کو دھمکیوں بھرا ویڈیو بیان جاری

میڈیا ذرائع کے مطابق رانی پور  پیراسد شاہ  کے گھر کام کام کے دوران بیہمانہ تشدد کا نشانہ بننے  والی کمسن ملازمہ فاطمہ کے ورثا کو ڈاکوؤں نے دھمکیوں بھرا ویڈیو بیان جاری کر دیا۔

ویڈیو بیان میں دیکھا جا سکتا ہے کہ کس طرح ڈاکوؤں نے لڑکی کے ورثا کو ڈرانے دھمکانے اور اپنا خوف پیدا کرنے طریقہ اپنایا ہے۔

لڑکی کے ورثا کا کہنا ہے کہ پیر اسد شاہ  نے دھمکیاں دینے کا سلسلہ شروع کروادیا، ڈاکوؤں نے ہاتھوں میں جدید ہتھیار لےکر ویڈیو بنا کر ورثا کو بھیج دی۔

ویڈیو بیان میں ڈاکوؤں نے کہا کہ پیروں کی حویلی اور  پیروں کا جس نے بھی نام لیا اس کا نام ونشان نہیں ملے گا ، پیروں کی حویلیوں کی حفاطت کے ہم خود ذمہ دار ہیں۔

یہ بھی پڑھیں:

کمسن ملازمہ فاطمہ کے چچا  کا کہنا تھا کہ اسد شاہ کا سسر بھی دھمکیاں دے رہا ہے، فیاض شاہ نے کہا میری بیٹی کی ویڈیو وائرل کی تمہیں دیکھ لیں گے۔

فاطمہ کے چچا نے مزید کہا کہ ہمارا مطالبہ ہے کہ  پیر فیاض شاہ کو بھی گرفتار کیا جائے، مقدس گھرانہ سمجھ کر بچیوں کو پیروں کےگھر چھوڑا تھا، ہمیں کیا معلوم تھا پیر ہمیں بچی کی لاش ہمیں واپسی میں ملی گی۔

ڈاکوؤں نے بچی کے ورثا کو دھمکیوں بھرا ویڈیو بیان بھیج دیا#GNN #NewsUpdates #BreakingNews #GNN_Updates pic.twitter.com/CQXpQvTvC2

— GNN (@gnnhdofficial) August 24, 2023