سینئر وکیل لطیف کھوسہ اسلام آباد ہائی کورٹ کی لفٹ میں پھنس گئے

سابق وزیراعظم اور چیئرمین پی ٹی آئی عمران خان  کے وکیل لطیف کھوسہ اور وکیل نعیم پنجوتھا اسلام آباد ہائیکورٹ کی لفٹ میں پھنس گئے، تقریبا آدھہ گھنٹہ لفٹ میں بند رہنے کے بعد ریسکیو ٹیم نے انہیں لفٹ سے نکالا۔

اسلام آباد ہائیکورٹ میں توشہ خانہ کیس میں چیئرمین پاکستان تحریک انصاف (پی ٹی آئی) کے وکیل لطیف کھوسہ لفٹ میں پھنس گئے تھے۔ ریسکیو ٹیم کی مدد سے لفٹ کھول کر وکلاء کو نکالا گیامعاون وکیل کے مطابق سردار لطیف کھوسہ اور ساتھی 30 منٹ سے لفٹ میں پھنسے ہوئے تھے۔

عمران خان کے وکیل لطیف کھوسہ کیس کی سماعت کے بعد جب واپس روانہ ہوئے تو وہ لفٹ میں پھنس گئے جس کے بعد ہائیکورٹ کی عمارت کے مینٹیننس ڈپارٹمنٹ کو اطلاع دی گئی۔

سینئر وکیل لطیف کھوسہ اسلام آباد ہائیکورٹ کی لفٹ میں پھنس گئے#GNN #NewsUpdates #BreakingNews #GNN_Updates pic.twitter.com/F735gk8D3z

— GNN (@gnnhdofficial) August 25, 2023

لطیف کھوسہ اور دیگر افراد تقریباً آدھے گھنٹے سے زائد لفٹ میں پھنسے رہے جب کہ مینٹیننس کے عملے نے لفٹ کا دروازہ کھولنے کی کوشش کی مگر دروازہ نہ کھل سکا جس پر جس کے بعد لفٹ کے باہر موجود وکلا نے شور شرابا شروع کردیا۔ جس کے باعث لفٹ کے باہر کھڑے وکلا نے لفٹ کا دروازہ توڑنے کی کوشش کی۔

انتظامیہ نے لفٹ کا دروازہ کھولنے کے لیے ریسکیو کے عملے کو طلب کیا جس کےبعد ریسکیو اہلکاروں نے لفٹ کا دروازہ توڑ کر تمام افراد کو باہر نکالا جس میں تمام افراد کی حالت غیر تھی اور وہ پسینے میں شرابور تھے۔

ریسکیو اہلکاروں کا کہنا ہےکہ لفٹ میں گنجائش سے زیادہ لوگوں کی وجہ سے لفٹ رکی جب کہ لفٹ میں کوئی ایمرجنسی الارم نہیں ہے۔