سپریم کورٹ احد چیمہ کو 3 سال جیل میں رکھنے پر برہم،نیب پر کیس کرنا چاہیے،جسٹس جمال مندوخیل

احد چیمہ کی ضمانت منسوخی کیلیے دائر کی گئی  نیب اپیل واپس لینے کی بنا پر خارج کردی گئی۔دوران سماعت سپریم کورٹ نیب پراسیکیوٹر پر برہم ہوگئی۔

سپریم کورٹ نے کہا کہ نیب کو بنیادی حقوق کی خلاف ورزی کرتے ہوئے بے رحمی سے استعمال کیا گیا، نیب کو آلہ کار کے طور پر مخصوص افراد کے خلاف استعمال کیا گیا۔

چیف جسٹس پاکستان عمر عطا بندیال کی سربراہی میں 3 رکنی بینچ نے اس معاملے سے متعلق سماعت کی تھی۔

چیف جسٹس نے ریمارکس دیے کہ میرے ایک دوست کو نیب نے بطور گواہ بلا کر 5 گھنٹے تک بٹھائے رکھا ،جسٹس اطہر من اللہ نے کہا کہ نیب احتساب بیورو سیاسی انجیئرنگ کے لیے جنرل مشرف نےبنایا تھا جسے نیب خود ثابت کر رہا ہے،ذمہ داری نیب نے کسی پر تو ڈالنی ہے۔

احد چیمہ تین سال جیل میں قید رہے نیب نے اب آ کر کہا ہے کہ کیس ہی نہیں بنتا،ملزم کو تین سال قید بامشقت میں رکھا گیا اس کا حساب کون دے گا؟ نیب پر تو کیس کرنا چاہیے۔

دوران سماعت سپریم کورٹ نیب پراسیکیوٹر پر برہم#GNN #NewsUpdates #BreakingNews #GNN_Updates pic.twitter.com/Rneld8sYdB

— GNN (@gnnhdofficial) August 25, 2023