لطیف کھوسہ اور نعیم حیدر پنجوتھہ کے ساتھ لفٹ میں خطرناک حادثہ یا سازش،نعیم پنجوتھہ نے حقائق سے پردہ اٹھا دیا

نعیم پنجوتھہ نے ایک ویڈیو پیغام جاری کی اجس میں آج لفٹ میں ہونے والے واقعے کے بارے میں چند انکشافات کیے،نعیم پنجوتھہ نے کہا کہ لفٹ رکنےکا واقعہ اچانک نہیں ہوا بلکہ ایک سوچی سمجھی سازش کے تحت کروایا گیا ہے،یہ واقعہ محض اس لیے کروایا گیا کہ عمران خان کے کیس سے توجہ ہٹائی جائے۔

نعیم پنجوتھہ کا کہنا ہے کہ ہم ہائی کورٹ سے بارہا یہی استدعا کر رہے تھے کہ عمران خان کا کیس فکس کرکے اس پر فیصلہ سنایا جائے،کبھی ہمیں نوٹس دیے جارہے تھے ، کبھی کہا جا رہا تھا کہ دوسرے وکیل کی تیاری نہیں ہے،کبھی کہا جا تا رہا کہ وکیل صاحب بیمار ہیں،آج جمعہ کے روز تین دن کی تاریخ دی گئی ہے عمران خان کو فری اینڈ فیئر ٹرائل نہیں دیا جا رہا۔

اس طرح کے ہتھکنڈے استعمال کرکے یہ چیئر مین پی ٹی آئی کی وکالت چھڑوانا چاہتے ہیں،ہم کبھی بھی اس وکالت سے باز نہیں آئیں گے،گھنٹہ لفٹ میں رکھا گیا نہ ہی کسی آپریٹرکو قریب آنے دیا گیا نہ کوئی اور لفٹ کے پا س آرہا تھا اس سے صاف واضح ہے کہ یہ چیئرمین پی ٹی آئی کے کیس سے ہٹانے کی سوچی سمجھی سازش ہے۔

لطیف کھوسہ ایڈووکیٹ سمیت دیگر وکلا 45 منٹ سے زائد وقت تک لفٹ میں پھنسے رہے، ان کے ساتھ موجود نعیم حیدر پنجوتھا، علی اعجاز بٹر سمیت پندرہ افراد کو بحفاظت باہر نکالا گیا۔

وکالت چھوٹی چیز ہے ہماری جان بھی حاضر ہے خان صاحب کے لئے
نعیم حیدر پنجوتھا اور لطیف کھوسہ کے ساتھ خطرناک حادثہ ،یا سازش؟لفٹ کے اندر کا احوال بتا دیا!! pic.twitter.com/YuRu84XTVI

— GNN (@gnnhdofficial) August 25, 2023