رانی پور:فاطمہ ہلاکت کیس میں ضمانت ختم ہونے کے باوجود بھی ملزمہ حنا شاہ گرفتار نہ ہوسکی

رانی پور قتل کیس میں حنا شاہ کی عبوری ضمانت ختم ہوئے آج 2 روز گزر چکے ہیں لیکن تا حال ملزمہ کو گرفتار نہیں کیا جا سکا۔

میڈیا ذرائع کا کہنا ہے کہ حنا شاہ اور فیاض شاہ کراچی میں موجود ہیں جبکہ بچی کے ورثا پر ملزمان کی جانب سے دباؤ ڈالا جا رہا ہے۔

یاد رہے کہ گزشتہ روز ڈاکوؤں کی جانب سے رانی پور کیس کے مدعی پر دباؤ ڈالنے کے لیے ایک ویڈیو بھی جاری ہوئی تھی جس میں ڈاکوؤں نے جدید ہتھیار پکڑ کر دباؤ ڈالنے کی مبینہ طور پر کوشش کی تھی۔

ورثا کی درخواست پر مرکزی ملزم اسد شاہ کی اہلیہ ملزمہ حنا شاہ کے والد فیاض شاہ کو بھی مقدمے میں نامزد کیا گیا تھا۔