پی ٹی آئی نے لطیف کھوسہ کے لفٹ میں پھنسنے پر چیف جسٹس سے تحقیقات کا مطالبہ کر یا

تحریک انصاف  کی جانب سے جاری اعلامیے میں وکلاء کے لفٹ میں پھنسنے کی پرزور  مذمت کی گئی ہے تحریک انصاف نے صدر پاکستان اور چیف جسٹس  آف پاکستان سے مطالبہ کیا گیا کہ وہ معاملے کی فوری تحقیقات کروائیں۔

تحریک انصاف کا کہنا تھا کہ عمران خان کی  قانونی ٹیم کو ہائی کورٹ کی لفٹ میں50 منٹ تک محصور رکھا گیا ان کو ڈرانے دھمکانے کی پوری کوشش کی گئی۔

یاد رہے کہ عمران خان کے وکیل لطیف کھوسہ کیس کی سماعت کے بعد جب لفٹ سے واپس روانہ ہوئے تو وہ لفٹ میں پھنس گئے جس پر لطیف کھوسہ اور نعیم حیدر پنجوتھہ نے شدید تحفظات کو اطہار کیا ہے۔

لطیف کھوسہ اور دیگروکلا  اسلام آباد ہائیکورٹ کی دوسری منزل پر لفٹ میں پھنسے اور لفٹ گراؤنڈ فلور تک نہ پہنچی جس کے بعد لفٹ کے باہر موجود لوگوں نے تشویش کے باعث نعرے بازی شروع کردی جس سے صورت حال اور کشیدگی اختیار کر گئی۔