اترپردیش،ہندو ٹیچر کی اسلام کے خلاف زہر افشانی، ہندو طلبا ءکو مسلم طالب علم کو تھپڑ مارنے کا حکم دیدیا

لکھنو: بھارتی ریاست اترپردیش میں ایک ہندو ٹیچرترپتا تیاگی نے اسلام کے خلاف شدید زہر افشانی کرتے ہوئے ہندو طلباءکو ایک مسلم طالب علم کو تھپڑ رمارنے کا حکم دیدیا۔کشمیر میڈیاسروس کے مطابق یہ واقعہ اتر پردیش کے شہر مظفر نگر کے ایک سکول میں پیش آیا ہے۔

واقعے کی ایک ویڈیو بھی وائرل ہوئی ہے جس میں معلمہ ترپتا تیاگی کو اسلام کے بارے میں نازیبا الفاظ کہتے ہوئے اور ہندو طلباء کو ایک سات سالہ مسلم طالب کو زور سے تھپڑ رسید کرنے کا حکم دیتے ہوئے دیکھا جا سکتا ہے۔

How humiliating for a small child to be put through this at a young age.

Making the Muslim boy stand in front of the whole class and getting the Hindu kids to come and slap him.

That teacher needs a slap tbh pic.twitter.com/n1KDWtTTwQ

— Abu Hafsah (@AbuHafsah1) August 25, 2023

بھارتی پارلیمنٹ کے رکن اور مجلس اتحاد المسلمین کے صدر بیرسٹر اسدالدین اویسی نے واقعے پر سخت رد عمل کا اظہار کیا ہے۔ انہوں نے واقعے کی ویڈیو شیئر کرتے ہوئے لکھا کہ اترپردیش کے ایک اسکول کی ٹیچر ایک مسلم بچے کو کلاس کے دوسرے بچوں سے پٹائی کروارہی ہے اور اس پرفخر بھی کررہی ہے ۔ کانگریس کے رہنما ششی تھرور نے بھی واقعے پر سخت رد عمل کا اظہار کرتے ہوئے اسے افسوسناک قرار دیا ہے۔