بھارت کی آبی جارحیت جاری ،2افراد سیلابی ریلے میں بہہ کر جاں بحق

دریائے ستلج میں ہیڈ اسلام پر بھی اونچے درجے کے سیلاب کا خدشہ ہے جس کے باعث ہزاروں ایکڑ فصلیں زیر آب آگئیں ہیں اور سینکڑوں  دیہات ڈوبنے کا خطرہ ہے ، جب کہ زمینی راستہ بھی منقطع ہو گیا۔

انڈیا کی آبی جارحیت تا حال جاری ہے،انڈیا کی جانب سے چھوڑے گئے سیلابی ریلے کے باعث اگلے 10 سے 12 گھنٹے میں ہیڈ گنڈا سنگھ کے مقام پر پانی کی سطح میں مزید اضافے کا امکان ہے۔

 تحصیل بورے والا میں 2 افراد سیلابی پانی میں ڈوب کر جاں بحق ہوگئے۔

محکمہ آبپاشی کے مطابق بہاولپور کی 3 تحصیلوں میں دریائےستلج کے سیلابی ریلے سے متعدد بند بہہ گئے،جبکہ مزید جانی و مالی تقصان کا بھی خدشہ ظاہر کیا جا رہا ہے۔