حکومت کا اعلیٰ افسران کو فری بجلی یونٹس ختم کرنے کا فیصلہ

صحافیوں بات کرتے ہوئے  سیکرٹری پاور راشد لنگڑیال نے کہا کہ ڈسکوز کے گریڈ 17 اور اوپر کے افسران کوفری بجلی یونٹس کی سہولت ختم کر رہے ہیں۔

سیکرٹری پاور کا کہنا تھاکہ پاور سسٹم میں اب بھی بہت سی خرابیاں ہیں ،ان خرابیوں کو فی الفور  ٹھیک کرنے کی ضرورت ہے، بجلی چوری ہورہی ہے، گردشی قرض 2300 ارب روپے سے تجاوز کرگیا ہے۔

انہوں نے بتایاکہ بجلی یونٹس کی سہولت ختم کرنے سے متعلق سمری جلد تیار کرلی جائے گی۔

دوسری جانب ملک میں بجلی کے اضافی بلوں کے خلاف عوام کا احتجاج دوسرے روز بھی جاری ہے،لوگ سڑکو ں پر سراپا احتجاج ہیں ،بجلی بلوں کے خلاف سوشل میڈیا پر تحریکیں چلائی جا رہیں ہیں ، مختلف شہروں میں بجلی کے بلوں کے خلاف لوگ سڑکوں پر نکل آئے اور احتجاجاً بل جلائےجارہے ہیں۔