پاکستان نے افغا نستان کو آخری ون ڈے میں شکست دے دی ،ٹاپ رینکنگ پر براجمان

پاکستان نے افغانستان کو تیسرے اور آخری ایک روزہ بین الاقوامی کرکٹ میچ میں 59 رنز سے شکست دے کر سیریز میں3-0سے وائٹ واش کر دیا، اس فتح کے ساتھ ہی پاکستانی ٹیم نے آئی سی سی ون ڈے ٹیم رینکنگ میں دوبارہ ٹاپ پوزیشن حاصل کر لی ہے، افغانی ٹیم 268 رنز کے ہدف کے تعاقب میں 49 ویں اوور میں 209 رنز پر ڈھیر ہو گئی، مجیب الرحمان کی افغانستان کی طرف سے تیزترین ففٹی بھی ٹیم کو شکست سے نہ بچا سکی،رضوان میچ اورامام الحق سیریز کے بہترین کھلاڑی قرار پائے

سیریز میں تین۔ صفر کی فتح پاکستان کو نمبر ون پوزیشن پر لے آئی ہے، اب پاکستان آئی سی سی ون ڈے رینکنگ میں 119 پوائنٹس کے ساتھ پہلی پوزیشن پر آگیا ہے جب کہ آسٹریلیا کی ٹیم 118 پوائنٹس کے ساتھ دوسری اور بھارت 113 پوائنٹس کے ساتھ تیسرے نمبر پر ہے.

پاکستان ٹیم دوسری مرتبہ ون ڈے رینکنگ میں ٹاپ پوزیشن پر آئی ہے، پاکستان نے اس سال مئی میں نیوزی لینڈ کے خلاف سیریز جیت کر  تاریخ میں پہلی بار ون ڈے رینکنگ میں ٹاپ پوزیشن حاصل کی تھی۔

پاکستان کرکٹ ٹیم نے اس سال 11 میں سے 8 ون ڈے میچز جیتے ہیں، پاکستان کرکٹ ٹیم کا اگلا ون ڈے اسائنمنٹ ایشیاکپ ہے۔

پی سی بی منیجمنٹ کمیٹی کے چیئرمین ذکا اشرف نے پاکستان ٹیم کو مبارک باد دیتے ہوئے کہا ہے کہ نمبر ون ٹیم بننا پاکستان کی محنت اور شاندار کھیل کا نتیجہ ہے۔

Pakistan complete a series sweep to become the top-ranked men's ODI team ?#AFGvPAK | ?: https://t.co/Ss9SKQri40 pic.twitter.com/lzd3LaZOzp

— ICC (@ICC) August 26, 2023

Read more ➡️ https://t.co/TrEzVfceOe#AFGvPAK pic.twitter.com/gQVd86Soym

— Pakistan Cricket (@TheRealPCB) August 26, 2023