امریکہ میں مقیم پاکستانی ڈاکٹر کو دہشت گردی کے الزام میں سزا

امریکی ریاست منی سوٹا میں مقیم پاکستانی ڈاکٹر کو داعش کے ساتھ کام کرنے کے الزام میں سزا سنادی گئی ہے۔

امریکی کے دیپارٹمنٹ آف جسٹس کی طرف سے جاری پریس ریلیز کے مطابق31 سالہ پاکستانی ڈاکٹر محمد مسعود منی سوٹا کی میڈیکل کمپنی کیلئے کام کر رہے تھے، انہوں نے داعش کیلئے کام کرنے کے ارادے کا اعتراف کیا تھا۔

ڈاکٹر محمد مسعود نے جنوری سے مارچ 2020 میں دہشتگرد تنظیم داعش میں شمولیت کی اور اس کے لیے عرب ملک اردن جانے کے ارادے کا اظہار کیا تھا۔  محمد مسعود جب H1B ویزہ پر امریکا آیا، تو اسے مارچ 2020 میں منی ایپلس ایئرپورٹ سے گرفتار کرلیا گیا تھا۔

اس معاملے کی تحقیقات کے لیے امریکی ایف بی آئی کے جوائنٹ ٹیررسٹ ٹاسک فورس نے حصہ لیا تھا۔ گزشتہ سال اگست میں ڈاکٹر محمد مسعود نے اعتراف کیا تھا کہ وہ دہشتگرد تنظیم کو سپورٹ کرنے کا ارادہ رکھتا تھا۔

واضح رہے کہ ریاست منی سوٹا کی عدالت نے دہشتگردی کے الزام میں ڈاکٹر محمد مسعود کو 18 سال قید کی سزا سنادی ہے۔