سابق ایم پی اے پر حملہ کرنے والے دہشت گرد گرفتار

سابق ایم پی اے پر حملے میں ملوث دہشت گرد 2سہولت کاروں سمیت گرفتار کر لیے گئے ہیں، سابق ایم پی اے پر حملے میں 4 افراد شہید جبکہ ایم پی اے سمیت 4 افراد زخمی ہوئے تھے، سابق ایم پی اے پر حملہ 2022 میں کے پی کے کے علاقے دیر میں ہوا تھا۔

تفصیلات کے مطابق ایڈیشل آئی جی سی ٹی ڈی شوکت عباس نے پریس کانفرنس  کرتے ہوئے کہا کہ ملک لیاقت علی حملے میں ملوث دہشتگرد مرکزی ملزم  اسد اللہ سمیت  2 سہولت کار پکڑے گئے ہیں۔

ایڈیشنل آئی جی سی ٹی ڈی کے مطا بق دہشت گردوں کا تعلق کالعدم تحریک طالبان سے ہے، پولیس حکام کا کہنا ہے کہ دہشت گردوں کے قبضے سے بھاری مقدار میں اسلحہ ، گولہ بارود و دیگر دستاویزات بھی برآمد کی گئیں ہیں۔

پولیس کا کہنا ہے کہ دہشت گرد متعدد دہشت گردی کے واقعات میں بھی ملوث ہیں اور کچھ عرصہ سے پولیس کو مختلف کیسوں میں مطلوب تھے۔

سابق ایم پی اے لیاقت علی پر حملے میں ملوث دہشت گرد 2 سہولت کاروں سمیت گرفتار#GNN #NewsUpdates #BreakingNews #GNN_Update pic.twitter.com/5cAXIDw0uL

— GNN (@gnnhdofficial) August 27, 2023