سوشل میڈیا پر عوام کامیٹر شارٹ ،مہنگی بجلی نامنظور ٹاپ ٹرینڈ بن گیا

بجلی کے بلوں میں ہوش ربا اضافے کے خلاف سوشل میڈیا سمیت پورے پاکستان میں احتجاجی مظا ہرے بھی ہو رہے ہیں۔

ہر شہری کا احتجاج کرنے کا انوکھا انداز سامنے آیا ہے، شہریوں کا غم و غصہ سوشل میٖڈیا پر بھی جاری ہے ، سماجی رابطے کی ویب سائٹ ٹوئیٹر پر مہنگی بجلی نا منظور ٹاپ ٹرینڈ بن گیا، کسی نے بلوں میں کمی کا مطالبہ کیا تو کسی نے واپڈ ملازمین کو فری یونٹس کی فراہمی ختم کرنےکا مطالبہ کردیا عوام کا کہنا ہے کہ سرکاری افسران اور ملازمین کو بجلی کی فراہمی بند کی جائے۔

سوشل میڈیا پر بھی لوگوں کا پارہ ہائی ہے کوئی بجلی چوری پر قابو پانے کا کہہ رہا ہے تو کوئی بجلی بلوں میں ٹیکس واپس لینے کا مطالبہ کررہا ہے ، صارفین نے سوشل میڈیا پر اپنے بل اپلوڈ کرکے اپنے اپنے انداز میں احتجاج کیا، کچھ لوگ مہنگی بجلی کا بائیکاٹ کرنےکا کہہ رہے ہیں ۔