بجلی بحران کے پیش نظر پی سی بی نے اہم فیصلہ سنا دیا

پی سی بی ترجمان کے مطابق پاکستان کے تمام اسٹیڈیمز  کو شمسی توانائی کے تحت چلانے کا فیصلہ کیا گیا ہے ، فیصلہ پاکستان میں بجلی کے  مستقبل کو مدنظر رکھتے ہوئے بجلی بچانے کیلئے کیا گیا ہے۔

کراچی میں پی سی بی منیجمنٹ کمیٹی کا اجلاس ہوا ، دوسرے اجلاس میں کمیٹی نے ملک بھر میں اسٹیڈ یمز کے لیے  شمسی توانائی سے بجلی حاصل کرنے کی منظوری دے دی۔

پی سی بی ترجمان نے  کہا کہ پہلے مرحلے میں قذافی اسٹیڈیم لاہورجبکہ بعد میں دیگر اسٹیڈیمز میں سولر پینلز لگائے جائیں گے جبکہ پاکستان کرکٹ بورڈ فلڈ لائٹس کا سسٹم بھی سولر انرجی پر منتقل کرنے کا خواہشمند ہے۔