بجلی کی قیمتوں میں اضافے پر جماعت اسلامی کا ملک گیرہڑتال کرنے کا اعلان

امیرجماعت اسلامی سراج الحق کی صدارت میں منصورہ میں اجلاس منعقد ہوا ، اجلاس میں ملک میں بجلی کے بلوں میں اضافے اور ضرورت سے زائد ٹیکس لگانے پر بات چیت کی گئی۔

اجلاس میں فیصلہ کیا گیا کہ بجلی کی قیمتوں میں اضافے کے خلاف جماعت اسلامی  2 ستمبر کو ملک گیر ہڑتال کرے گی، ہڑتال کے سلسلے میں کمیٹیاں بھی تشکیل دے دی گئی ہیں۔

 امیر جماعت سراج الحق نے کہا کہ آج بھی ایوانوں میں وہ لوگ بیٹھے ہوئے ہیں جنہوں نے انگریز کا ساتھ دیا تھا۔ اس وقت ملک میں جو مہنگائی ہے یہ معاشی دہشتگردوں کی وجہ سے ہے۔

انہوں نے کہا کہ حیران ہوں پن بجلی کی قیمت 6.94 روپے ہے، نااہل حکومت و انتظامیہ مہنگا کوئلہ، گیس اور آئل درآمد کرکے روز ڈاکہ ڈال رہی ہے، بجلی کے بلوں نے عوام کو پریشان کر دیا ہے، کہاں گیا بھاشا ڈیم؟ قیامت تک شاید مکمل نہیں ہوگا، عوام کیلئے بارودی سرنگیں کس نے بچھائی ہیں۔