مہنگائی سےعوام پریشان، بنیادی اشیائے ضرویات پہنچ سے باہر

فیصل آباد: آئے روزبڑھتی ہوئی مہنگائی نےعوام کی مشکلات میں اضافہ کردیا ہے، آٹے کی قیمت میں اضافے سے نان اورروٹی کی قیمت بھی عام آدمی کی پہنچ سے باہرہوگئی، سادہ روٹی 25 اورسادہ نان25 سے  30روپے میں فروخت کیا جارہا ہے۔

انتظامیہ کی جانب سے ریٹ لسٹ پرسادہ روٹی کی قیمت 10 روپے اورنان کی قیمت 20روپے مقررکی گئی ہے لیکن اس پرعمل درآمد نہیں کیا گیا۔

اسی طرح کراچی میں چینی کی قیمت میں اضافہ جاری ہے، ہول سیل مارکیٹ میں چینی دو روپے اضافے کے ساتھ  156روپے فی کلو فروخت ہونے لگی۔

دوسری جانب گجرانوالہ میں مٹن اوربیف عام آدمی کی پہنچ سے دور ہونے لگ، مٹن سرکاری ریٹ 1400 کے بجائے2000 میں فروخت کیا جارہا ہے جبکہ بیف  700کے بجائے 900 روپے میں فروخت کیا جارہا ہے۔

اسی طرح سبزیوں کی قیمتیں بھی آسمان سے باتیں کررہے ہیں، لہسن کی سرکاری قیمت360 روپے فی کلوہے جبکہ مارکیٹ میں لہسن 500 روپے فی کلو ہے۔

ادرک کا سرکاری ریٹ  760روپے فی کلو جبکہ مارکیٹ میں ادرک 1000 روپےفی کلومیں فروخت ہورہا ہے، ٹماٹرکی سرکاری قیمت 90 روپے فی کلو جبکہ مارکیٹ میں ٹماٹرکی قیمت 150 روپے تک جا پہنچی ہے۔

مارکیٹ میں دکانوں پرسرکاری نرخ نامے توموجود ہیں لیکن انتظامیہ ان پر عمل درآمد کروانےمیں ناکام ہے۔