خیرپور، گھریلو ملازمہ تشدد و قتل کیس میں پیش رفت

خیرپور: خیرپورمیں پیش آنے والے گھریلو ملازمہ فاطمہ تشدد کیس کے مرکزی ملزم اسد شاہ کوتین روزہ جسمانی ریمانڈ کے بعد آج عدالت میں پیش کیا جائے گا۔

اس کےعلاوہ حویلی کےمزید 5 ملازموں کے ڈی این اے ٹیسٹ کے لیے سیمپل بھی لیے گئے ہیں۔ 

مرکزی ملزم اسد شاہ کی اہلیہ حنا شاہ کی ضمانت کوختم ہوئے 4 روزگزر جانے کے باوجود پولیس ملزمہ کو ابھی تک گرفتارنہ کرسکی۔

پولیس حنا شاہ کے والد پیرفیاض شاہ کوبھی گرفتارنہ کرسکی۔

ذرائع کےمطابق فاطمہ کے اہلخانہ پر صلح کے لیے دباؤ ڈالا جارہا ہے، فاطمہ کی ماں کا کہنا ہے کہ ملزمہ حنا شاہ کی چچی دھمکیاں دے رہی ہے۔

ایس ایس پی خیر پورکا کہنا ہے کہ ہم ملزمہ اوراس کے والد کی گرفتاری کے لیے جگہ جگہ چھاپے مار رہے ہیں اوردونوں کو جلد گر فتار کرلیا جائے گا۔