توشہ خانہ کیس کا فیصلہ دینے والے جج ہمایوں دلاور اسلام آباد ہائی کورٹ رپورٹ کر دیا

توشہ خانہ کیس کا فیصلہ سنانے والے جج ہمایوں دلاور نے اسلام آباد ہائیکورٹ میں رپورٹ کردی۔ انہوں نے سیکیورٹی وجوہات پر اسپیشل کورٹ یا ہائیکورٹ ٹرانسفر کی استدعا کی تھی۔

چیئرمین پی ٹی آئی عمران خان کو توشہ خان کیس میں سزا سنانے والے اسلام آباد کی مقامی عدالت کے جج ہمایوں دلاور نے اسلام آباد ہائیکورٹ میں رپورٹ کردی۔

جج ہمایوں دلاور نے سیکیورٹی وجوہات کی بناء پر اسلام آباد ہائیکورٹ کو خط لکھا تھا، جس میں سیشن کورٹ سے اسپیشل کورٹ یا ہائیکورٹ ٹرانسفر کی استدعا کی گئی تھی۔

اسلام آباد ہائیکورٹ نے جج ہمایوں دلاور کو تین روز قبل او ایس ڈی بنادیا تھا، رجسٹرار نے او ایس ڈی بننے کے بعد ہائیکورٹ رپورٹ کرنے کی ہدایت کی تھی۔