نگران وزیراعظم کی سربراہی میں بجلی بلوں کے حوالے سےدوسرے اجلاس میں بھی فیصلہ نہ ہوسکا

گزشتہ روز بھی نگراں وزیراعظم انوارالحق کاکڑ کی زیر صدارت بجلی کے بلوں کے بلوں میں ریلیف دینے کے حوالے سے اجلاس ہوا اور آج دوسرے روز بھی اجلاس منعقد ہوا۔

وزارت توانائی سےبھی  مشاورت مکمل کرلی گئی ہے جس کے بعد وزیراعظم کی زیر صدارت حتمی اجلاس کل ہوگا۔

ذرائع کے مطابق نگران وفاقی کابینہ کا اجلاس کل طلب کرلیا گیا ہے جس میں ملک کی معاشی صورتحال پر غور کیا جائے گا۔

اجلاس میں اسلام آباد ائیر پورٹ کی آؤٹ سورسنگ کا معاملہ اسٹیرنگ کمیٹی کے سپرد کر دیا گیا ہے، جبکہ واپڈا اور تقسیم کا ر کمپنیوں کے ملازمین کی مفت بجلی کے معاملے پر ابھی تک کو ئی حتمی فیصلہ نہیں کیا گیا۔

وزارت توانائی کا کہنا ہے کہ  تجاویز کل وفاقی کابینہ کو بھجوائی جائیں گیں  اور حتمی فیصلہ وفاقی کابینہ کے اجلاس میں ہی  کیا جائے گا کیونکہ ان تجاویز اور فیصلوں کی منظوری کی مجاز صرف وفاقی کابینہ ہے۔

نگران وزیراعظم انوارالحق کاکڑ کی زیرصدارت وفاقی کابینہ کا اجلاس#GNN #NewsUpdates #BreakingNews #GNN_Updates pic.twitter.com/Qo7WGCAmKO

— GNN (@gnnhdofficial) August 29, 2023