عوام ہڑتال کو کامیاب بنانے کی تیاریاں کرے،2ستمبر کو ملک گیر شٹر ڈاؤن ہڑتال ہو گی، سراج الحق

امیر جماعت اسلامی سراج الحق نے کہا ہے کہ بجلی بلوں میں ظالمانہ اضافہ کے خلاف 2ستمبربروز ہفتہ  کو ملک گیر ہڑتال کریں گے، واپڈا دفاتر کے باہر پرامن احتجاج کریں گے ،انہوں نے کہا کہ کرپٹ حکومتوں نے کمیشن کیلئے کوئلہ، فرنس آئل اور گیس سے بجلی پیدا کرنے کے مہنگے معاہدے کیےکس سے پوچھ کر کیے کیا عوامی رائے کو ملحوظ خاطر رکھا گیا۔

پی ڈی ایم نے آئی  ایم ایف سے معاہدے کرکے عوام کا معاشی قتل کیا ہے ، ان معاہدوں کا نتیجہ تھا کہ نگران کابینہ کی تشکیل سے قبل ہی پٹرول کی قیمت میں 20روپے لٹر اضافہ کردیا گیا تھا۔

امیر جماعت اسلامی سراج الحق نے کہا کہ  علما ، وکلا ، طلبا ، تاجر و دیگر طبقات کی حمایت کے بے حد مشکور ہیں۔

2ستمبر کو ملک گیر شٹر ٹاؤن ہڑتال ہو گی،امیر جماعت اسلامی#GNN #NewsUpdates #BreakingNews #GNN_Updates pic.twitter.com/TYFTt7dkuL

— GNN (@gnnhdofficial) August 29, 2023

عوام اپنے حقوق کے لیے اس ہڑتال کو کامیاب کرانے کے لیے بھرپور کوشش کریں اور اس کے لیے عملی طور پر بھی تیاریاں کریں۔

نگراں حکومت کا ہرگز یہ کام نہیں ہے کہ وہ بجلی کے بلوں میں اضافہ کرے ان کا کام صرف الیکشن کرانا ہے، نیپرا کو چاہیے کہ بجلی میں اضافے سے پہلے 550 ارب روپے کے لائن لوسز ہیں ان کو ختم کرے 250 ارب کی مفت بجلی دی جارہی ہے اس پر پابندی لگائے۔