شاہراہ فیصل پر شیر کا راج، شہریوں میں خوف وہراس پھیل گیا ،پولیس کی دوڑیں لگ گئیں

کراچی شاہراہ فیصل عائشہ باوانی سکول کے سامنے شیرسڑک پر نکل  آ یا ، شیر کو دیکھتے ہی لوگوں میں خوف و ہراس پھیل گیا۔

پولیس کے مطابق شیر کے مالک سے رابطہ کیا گیا ہے جبکہ پولیس حکام کا کہنا ہے کہ شیر کو وائلڈ لائف حکام کے حوالے کیا جائے گا ۔

محکمہ وائلڈ لائف کی ماہر ٹیم نے شیر کو ریسکیو کر کے پنجرے میں ڈالا اور پھر دفتر منتقل کردیا جبکہ پولیس نے مالک کا کھوج لگایا اور پھر رابطہ کر کے اُسے موقع پر بلا کر گرفتار کرلیا۔

شیر کے مالک کو کراچی کے علاقے گارڈن ٹاؤن سے گرفتار کر کیا گیا ہے۔ شیر کے مالک کا کہنا ہے کہ شیر بیمار تھا اسے علاج کیلئے لے جارہے تھے۔

یاد رہے شاہراہ فیصل کراچی کی نہایت اہم شاہراہ ہے جہاں یہ واقعہ پیش آیا ،پولیس کا کہنا ہے کہ معاملے کی مزید تحقیقات کی جاری ہیں ۔