چیف جسٹس اسلام آباد ہائیکورٹ کے خلاف سوشل میڈیا مہم پر جے آئی ٹی تشکیل

وفاقی وزارت داخلہ کی جانب سے خصوصی مشترکہ تحقیقاتی ٹیم کی تشکیل کا نوٹیفکیشن جاری کردیا گیا ہے۔

وزارت داخلہ کے نوٹیفکیشن کے مطابق خصوصی مشترکہ تحقیقاتی ٹیم بدنیتی ، بغاوت  پر مبنی مہم کے پس پردہ حقائق سامنے لائے گی ۔

ڈائریکٹر سائبر کرائم ایف آئی اے فیڈرل انویسٹی گیشن ایجنسی  خصوصی مشترکہ تحقیقاتی ٹیم کے کنوینر ہوں گے، آئی ایس آئی اور  آئی بی کےگریڈ 19 کے افسر  بھی مشترکہ تحقیقاتی ٹیم کے ارکان ہوں گے ۔

اسلام آباد وفا قی پولیس کے گریڈ 19 کے افسر بھی مشترکہ تحقیقاتی ٹیم کا حصہ ہوں گے۔

وزارت داخلہ کی جانب سے جاری کیے گئے نوٹیفکیشن میں کہا گیا ہےکہ  خصوصی مشترکہ تحقیقاتی ٹیم 15 دن کے اندر اپنی رپورٹ وزارت داخلہ کو پیش کرے گی۔