سائفر کیس کی سماعت عدالت کی بجائے اٹک جیل میں ہوگی،نوٹیفکیشن جاری

پاکستان پی ٹی آئی  کے چیئرمین عمران خان کے خلاف سائفرکیس کی سماعت کل اٹک جیل میں ہوگی۔ وزارت قانون کے مطابق سائفرکیس کی سماعت کیلئے  وزارت داخلہ نے سکیورٹی اور  ملکی صورتحال کے پیش نظر خدشات کا ا ظہار کیا  جس کے باعث اب کیس کی سماعت سیکرٹ ایکٹ کے تحت اٹک جیل میں ہوگی۔

چیئرمین پی ٹی آئی کے خلاف کیس کی سماعت کیلئے جج ابوالحسنات ذوالقرنین اٹک جیل جائیں گے۔

اسلام آباد کی سیکرٹ ایکٹ عدالت کے جج ابو الحسنات نے چیئرمین پی ٹی آئی  کو جوڈیشل ریمانڈ پر جیل بھیج رکھا ہے اور عدالت نے انہیں 30 اگست کو سائفر کیس میں  ذاتی حیثیت میں طلب کیا ہے۔