وفاقی کابینہ نے بلوں میں ریلیف کے لیے آئی ایم ایف سے رابطہ کرلیا

نگراں وزیراطلاعات مرتضیٰ سولنگی نے کہا ہے کہ بجلی بلوں میں ریلیف کے لیے نگراں وزیرخزانہ آئی ایم ایف کو آن بورڈ لے رہی ہیں اس سلسلے میں نگراں وزیرخزانہ شمشاداختر کو آئی ایم ایف سے بات کرنے کا کہا گیا ہے۔

انہوں نے کہا کہ کچھ فیصلے ہیں جن پر عملدرآمد کیلئے آئی ایم ایف کی اجازت درکار ہے ورنہ معاہدے کی خلاف ورزی ہوگی  چند گھنٹے میں آئی ایم ایف کو آن بورڈ لےکر بجلی بلز سے متعلق فیصلہ کریں گے۔

واضح رہے کہ نگران وزیر اعظم انوارلحق کا کڑ کی زیر صدارت وفاقی کابینہ کے اجلاس میں صارفین کو بجلی کے بھاری بھرکم بلوں میں کوئی ریلیف دینے کا فیصلہ نہ ہو سکا۔