پاکستانی روپے کے مقابلے امریکی ڈالر نے نیا ریکارڈ بنا ڈالا

کراچی: انٹربینک مارکیٹ میں پاکستانی روپے کے مقابلے ڈالر کی قدر میں مسلسل اضافہ جاری ہے۔

کرنسی ڈیلرز کے مطابق کاروباری دن شروع ہوتے ہی انٹربینک مارکیٹ میں ڈالر 0.95 روپے مہنگا ہو کر 304 روپے فی ڈالر کی نئی ریکارڈ سطح پر پہنچ گیا۔

واضح رہے کہ گزشتہ روز ہی انٹربینک مارکیٹ میں امریکی کرنسی کی قدر میں 1.5 روپے کا اضافہ ریکارڈ کیا گیا تھا۔

اس کے ساتھ ہی اوپن مارکیٹ میں 316 روپے فی ڈالر کا تاریخی ریٹ برقرار ہے۔

صرف دو ہفتوں کے دوران انٹربینک مارکیٹ میں ڈالر کی قیمت میں 15 روپے اور اوپن مارکیٹ میں 20 روپے اضافے کا رجحان نگران حکومت کے لیے جاری تشویش کو واضح کرتا ہے۔