روس میں ایف ایس بی کا ہیلی کاپٹر گر کر تباہ، 3افرا دہلاک

ماسکو: روس کے وسطی علاقے میں ایف ایس بی کا ایک ہیلی کاپٹر گر کر تباہ ہو گیا ہے جس کے نتیجے میں 3افراد ہلاک ہو گئے۔

سعودی خبررساں ادارے کے مطابق مقامی گورنر الیکسی ٹیکسلرنے حادثے کی وجہ بتائے بغیر کہا کہ ایم آئی 8 ہیلی کاپٹر چیلیابنسک کے علاقے میں واقع گاؤں کراسنوپول کے قریب گر کر تباہ ہواہے۔

گورنر نے سوشل میڈیا پر ابتدائی اطلاعات کے حوالے سے 3 ہلاکتوں کی تصدیق کی ہے اوربتایا ہے کہ ہیلی کاپٹر سکیورٹی سروس ایف ایس بی کے زیراستعمال تھا۔اس کے گرنے سے زمین پر موجود عمارتوں یا افراد کو کوئی نقصان نہیں پہنچا۔