جناح ہسپتال کے گارڈ پر پولیس کا تشدد، ایف آئی آر درج نہ کرنے پر ڈاکٹروں کا احتجاج

لاہور: جناح ہسپتال میں پولیس کی جانب سے گارڈ پر تشدد کا واقعہ پیش آیا جس پرایف آئی آر درج نہ ہونے کی وجہ سے ہسپتال میں ڈاکٹرز اور پیرامیڈیکل سٹاف کا احتجاج تیسرے روز بھی جاری ہے۔

جناح ہسپتال میں لوگ دور درازعلاقوں سےعلاج کے لیے آتے ہیں لیکن احتجاج کے باعث ہسپتال کی اوپی ڈی بند ہونے کی وجہ سے مریض خوارہو رہے ہیں، پہلے مریضوں کو لمبی لائنوں میں خوارہونا پڑتا تھا اور اب کاؤنٹر بند ہونے کی وجہ سے پریشانی کا سامنا ہے۔

ذرائع کے مطابق معاملے کوحل کروانے کے لیے کوششیں جاری ہیں۔