مشرق وسطیٰ میں تعینات فوجی خطے ہی میں بدستور موجود رہیں گے،پینٹاگون

امریکی محکمہ دفاع پینٹاگون نے واضح کیا ہے کہ مشرق وسطیٰ میں حال ہی میں تعینات کیے گئے ہزاروں یوایس فوجی خطے ہی میں بدستور موجود رہیں گے۔

غیر ملکی خبر رساں ایجنسی کے مطابق پینٹاگون کی نائب پریس سیکرٹری سبرینا سنگھ نےصحافیوں کو بتایا کہ جب تک خطے میں ان امریکی فورسز کی ضرورت رہے گی وہ موجود رہیں گی۔

امریکا نے حالیہ مہینوں میں ایران اور روس کی دھمکیوں کے جواب میں اس ماہ کے اوائل میں خطے میں اضافی فوجی اور دفاعی سازوسامان بھیجا تھا اور وہ پہلے سے اعلان کردہ تعیناتی کا حصہ تھے۔

گزشتہ ماہ امریکی وزیر دفاع لائیڈ آسٹن نے علاقے میں ایمفیبیئس ریڈینیس گروپ، میرین سریع الحرکت یونٹ کی تعیناتی کا حکم دیا تھا۔ یہ ایف -35 ، ایف -16 ، اور ایک گائیڈڈ میزائل تباہ کن یو ایس ایس تھامس ہڈنر (ڈی ڈی جی -116) کے علاوہ تھے جنھیں خطے کی جانب روانہ کیا گیا تھا۔