سائفر کیس،شاہ محمود قریسی کو 14 روزہ جسمانی ریمانڈ پر جیل بھیج دیا گیا

سائفر گمشدگی کیس، وائس چیئرمین پی ٹی آئی شاہ محمود قریشی کو 14 روزہ جوڈیشل ریمانڈ پر جیل بھیج دیا گیا۔

جج ابوالحسنات ذوالقرنین نے آفیشل سیکرٹ ایکٹ کے تحت قائم کی گئی خصوصی عدالت میں سائفر کیس کی اِن کیمرہ سماعت کی۔ شاہ محمود قریشی کو تین روزہ جسمانی ریمانڈ مکمل ہونے پرپیش کیا گیا، اس دوران سابق وزیر خارجہ کی جانب سے وکلاء بھی عدالت میں پیش ہوئے۔

ایف آئی اے نے عدالت سے شاہ محمود کے مزید جسمانی ریمانڈ کی استدعا کی جسے خصوصی عدالت نے مسترد کردیا۔ خصوصی عدالت نے جسمانی ریمانڈ کی استدعا مسترد کرکے شاہ محمود قریشی کو 14 روزہ جوڈیشل ریمانڈ پر جیل بھیج دیا۔

واضع رہے کہ آفیشل سیکریٹ ایکٹ کے تحت درج سائفر گمشدگی کیس میں جسمانی ریمانڈ کے خلاف شاہ محمود قریشی نے اسلام آباد ہائی کورٹ سے رجوع کر رکھا ہے۔

شاہ محمود قریشی کی ضمانت بعد از گرفتاری کی  درخواست بھی دائرکردی گئی۔وکیل بابراعوان نے شاہ محمود قریشی کی درخواستِ ضمانت دائر کردی۔

جج ابولحسنات ذوالقرنین نے نوٹس جاری کرتے ہوئے فریقین سے 2 ستمبر کو دلائل طلب کرلیے۔ جج ابوالحسنات ذوالقرنین نے شاہ محمود قریشی کے وکلاء کو جیل میں ملاقات کی اجازت دےدی۔ جیل میں شاہ محمود قریشی سے وکلاء بابراعوان اور آمنہ علی آج ملاقات کریں گے۔