روزبروز بڑھتی ہوئی مہنگائی سے عوام پریشان

لاہور: مختلف اشیاء کی قیمتوں میں اضافے کے ساتھ ساتھ دودھ اوردہی کی قیمتوں میں بھی اضافہ ہوا ہے۔

ضلعی انتظامیہ کےنوٹیفیکشن کے مطابق دودھ کا سرکاری ریٹ 150 سے بڑھا کر 160 روپے فی کلو مقررکر دیا گیا ہے، اسی طرح دہی کی قیمت 170 سے بڑھا کر180 روپے فی کلو کر دی گئی ہے۔

حکومت کی جانب سے طے شدہ قیمتوں کے باوجود دکانداراپنی من چاہی قیمت  پردودھ 200 روپے فی کلوکے حساب سے فروخت کررہے ہیں۔

دوسری جانب کراچی میں بھی اشیائے خوردنوش کی قیمتوں میں اضافے سے شہری پریشان ہیں، یہاں تک کہ گوشت کے ساتھ اب دالیں بھی عام آدمی کی پہنچ سے باہرہونے لگی ہیں۔

مونگ 260 سے 280روپے، چنے کی دال 220 سے 250 روپے فی کلواور مسورکی دال  270 روپے فی کلو فروخت ہورہی ہے۔ 

دن بدن بڑھتی ہوئی اس مہنگائی سے عوام بہت پریشان ہیں اوران کا کہنا ہے کہ حکومت مقرر شدہ قیمتوں پرعمل درآمد کروائے۔

اسی طرح پشاورمیں بھی یوٹیلٹی سٹورزپراشیائےضرویات نایاب ہوگئی۔