ملک بھرمیں چینی کی قیمتیں آسمان سے باتیں کرنے لگیں

کراچی: روزبروزچینی کی بڑھتی ہوئی قیمتوں نےعوام کی پریشانی میں اضافہ کردیا ہے، ملک بھرمیں چینی ایک ہفتے کے دوران 30 روپے فی کلو سے زائد مہنگی ہوئی ہے۔

کئی شہروں میں چینی  180روپے فی کلو سے تجاوزکرگئی ہے، تین مہینوں چینی کی قیمت میں  80سے 90 روپے فی کلو کا اضافہ ہوچکا ہے۔

کراچی کی ہول سیل مارکیٹ میں چینی کی قیمت میں  9روپےاضافہ ہوا ہے اور اس وقت چینی 171 روپے میں فروخت ہو رہی ہے، پرچون میں چینی  175 روپے سے 180 روپے فی کلومیں فروخت ہورہی ہے۔

دوسری جانب لاہور، پشاوراورکوئٹہ میں  بھی چینی  180روپے فی کلو فروخت کی جارہی ہے۔

دکاندارچینی کی قیمتوں میں خود ساختہ اضافہ کررہے ہیں اورسرکاری نرخ ناموں پرعمل درآمد نہیں ہورہا۔