پاکستان سٹاک ایکسچینج میں مندی، 100 انڈیکس میں 800 پوائنٹس کی کمی 

کراچی:  آج سٹاک مارکیٹ میں بھی مندی کا رجحان ہے، 100 انڈیکس میں 800 پوائنٹس کی کمی ریکارڈ کی گئی، مارکیٹ نے 46 ہزارکی نفسیاتی حد کھودی ہےاورانڈیکس  45ہزار 432 پرٹریڈ کررہا ہے۔

سرمایہ کاروں کا کہنا ہے کہ بڑھتی مہنگائی، ڈالر اورشرح سود بڑھنے کے خطرات کے باعث سرمایہ کارمحتاط ہیں۔

اس کے ساتھ ہی روپے کے مقابلے میں ڈالرکی قیمت ہرگزرتے دن کےساتھ بڑھ رہی ہے، انٹر بینک میں ڈالر1 روپیہ 55 پیسے مہنگا ہو کرتاریخ کی بلند ترین سطح  305سے تجاوزکرگیا، انٹربینک میں ڈالر306  روپے پرٹریڈ کررہا ہے۔

دوسری جانب اوپن مارکیٹ میں امریکی ڈالر3 روپے مہنگا ہو کر322 روپے کی تاریخی بلند ترین سطح پرجا پہنچا۔