Advertisement

بائیڈن انتظامیہ نے تائیوان کے لیے پہلی فوجی امداد کی منظوری دے دی

امریکا تائیوان کو 80 ملین ڈالر مالیت کا فوجی امدادی پیکیج فراہم کرے گا،محکمہ خارجہ

GNN Web Desk
شائع شدہ 3 سال قبل پر اگست 31 2023، 9:50 شام
ویب ڈیسک کے ذریعے
بائیڈن انتظامیہ نے تائیوان کے لیے پہلی فوجی امداد کی منظوری دے دی

بائیڈن انتظامیہ نےغیر ملکی فوجی امداد کے پروگرام کے تحت تائیوان کے لیے براہ راست پہلی فوجی امداد کی منظوری دے دی۔

فرانسیسی خبر رساں ادارے کے مطابق امریکی محکمہ خارجہ نے بتایا کہ امریکا تائیوان کو 80 ملین ڈالر مالیت کا فوجی امدادی پیکیج فراہم کرے گا جو غیر ملکی فوجی مالیاتی پروگرام کے تحت تائیوان کے لیے پہلی فوجی امداد کی نشاندہی کرتا ہے، جس میں عام طور پر خودمختار ممالک کے لیے گرانٹس یا قرضے شامل ہوتے ہیں۔

محکمہ خارجہ نے زور دیا کہ پروگرام کے تحت پہلی امداد کا مطلب تائیوان کی خودمختاری کو تسلیم کرنا نہیں ہے۔ محکمہ خارجہ کے ترجمان نے کہا کہ امریکا کی فوجی امداد کی منظوری کے اقدام سے تائیوان ریلیشنز ایکٹ اور ہماری دیرینہ ون چائنہ پالیسی میں کوئی تبدیلی نہیں آئی۔ انہوں نے کہا کہ امریکی فوجی امداد سے تائیوان کی دفاعی صلاحیت کو برقرار رکھنے کے قابل بنایا جا سکے گا ۔

 
Advertisement
رجحانات
Advertisement