Advertisement
تجارت

پی آئی اے انتظامیہ کی جانب سے 8 ارب روپے سے زائد ٹیکس کی عدم ادائیگی کا معاملہ

فیڈرل بورڈ آف ریوینیو نے پی آئی اے کے اکاؤنٹس منجمد کر دیئے

GNN Web Desk
شائع شدہ 3 سال قبل پر اگست 31 2023، 9:59 شام
ویب ڈیسک کے ذریعے
پی آئی اے انتظامیہ کی جانب سے 8 ارب روپے سے زائد ٹیکس کی عدم ادائیگی کا معاملہ

فیڈرل بورڈ آف ریونیو نے پاکستان انٹرنیشنل ائر لائنز کے اکائونٹس منجمد کر دیئے ہیں، قومی ائرلائن نے اگست میں 2 ارب روپے ادائیگی کا وعدہ کیا تھا۔

ایف بی آر کے مطابق فیڈرل ایکسائز ڈیوٹی کی مد میں 8 ارب روپے ادا کرنے ہیں لیکن پی آئی اے نے الگ اکاؤنٹ کھول کرفیڈرل ایکسائز ڈیوٹی رقم کاغلط استعمال کیا، قومی ائرلائن کے 26 اکاؤنٹ منجمد کیے ہیں۔

ایف بی آر حکام نے کہا کہ پی آئی اے کے چیف فنانشل آفیسر اور جی ایم اکاؤنٹنگ غیر قانونی کام میں ملوث ہیں۔ ایف بی آر نے قومی ائرلائن کی سینئر قیادت کے خلاف قانونی کارروائی کا فیصلہ کیا ہے جس کے تحت ایف بی آر نے کارروائی کےلئے  ڈی جی ایف آئی اے کو مراسلہ لکھ دیا

ترجمان پی آئی اے کا کہنا ہے کہ اکاؤنٹ منجمد ہونے سے پی آئی اے کا فلائٹ آپریشن متاثر نہیں ہو گا، حکومتی سطح پر رابطہ ہے، پی آئی اے اکاؤنٹ جلد بحال ہو جائیں گے

Advertisement
رجحانات
Advertisement