صدر مملکت ڈاکٹر عارف علوی کی نگران وزیر صحت ڈاکٹر ندیم جان سے ملاقات

صدر مملکت ڈاکٹر عارف علوی نے ملک میں نفسیاتی صحت بہتر بنانے کیلئے مشاورت کی سہولیات فراہم کرنے کی ضرورت پر زور دیتے ہوئے کہا ہے کہ جدید ٹیکنالوجی، مصنوعی ذہانت اور چیٹ باٹس کی مدد سے نفسیاتی صحت کی بنیادی سہولیات لوگوں تک پہنچائی جاسکتی ہیں۔

ایوان صدر کے پریس ونگ کے مطابق صدر مملکت نے ان خیالات کا اظہار ایوان صدر میں نگران وزیر صحت ڈاکٹر ندیم جان سے ملاقات کے دوران گفتگو کرتے ہوئے کیا۔ صدر مملکت اور نگراں وفاقی وزیرصحت نے قومی صحت کے مختلف امور پر تبادلہ خیال کیا۔

صدر مملکت ڈاکٹر عارف علوی سے نگران وزیرِ صحت ڈاکٹر ندیم جان کی ملاقات۔ pic.twitter.com/zEg6x6NWjw

— The President of Pakistan (@PresOfPakistan) August 31, 2023

صدر مملکت نے اس موقع پر کہا کہ بریسٹ کینسر، بڑھتی آبادی اور نفسیاتی صحت پر خصوصی توجہ دینے کی ضرورت ہے۔ صدر مملکت اور نگراں وزیرصحت نے غذائیت، بچوں کی ذہنی و جسمانی کمزوری ، خصوصی افراد کی بحالی کیلئے تجاویز پر بھی تبادلہ خیال کیا۔ نگراں وزیرصحت نے پولیو کے خاتمے کیلئے صدر مملکت کی جانب سے رہنمائی ، خصوصی توجہ کو سراہا۔ صدر مملکت نے صحت کے شعبے میں ڈاکٹر ندیم جان کی مجموعی خدمات کی تعریف کی