ایکس کے صارفین فون نمبر شیئر کیے بغیر ویڈیو اور آڈیو کالز کر سکیں گے

ایکس (ٹویٹر) کے مالک ایلون مسک نے اعلان کیا ہے کہ سوشل میڈیا پلیٹ فارم ایکس کے صارفین اب اپنا فون نمبر شیئر کیے بغیر ویڈیو اور آڈیو کالز بھی کر سکیں گے۔

ایلون مسک نے ایک پوسٹ میں بتایا کہ ایکس پر یہ نئی اپڈیٹس آئی او ایس ، اینڈرائیڈ، میک اور کمپیوٹر سب میں فعال ہوں گی اور اس کیلئے فون نمبر کی ضرورت بھی نہیں ہوگی۔

Video & audio calls coming to X:

- Works on iOS, Android, Mac & PC
- No phone number needed
- X is the effective global address book

That set of factors is unique.

— Elon Musk (@elonmusk) August 31, 2023

ایکس کی چیف ایگزیکٹو آفیسر لنڈا یاکارینو نے کہا کہ ایکس میں ادائیگی اور بینکنگ جیسی خصوصیات بھی شامل ہوں گی۔ انہوں نے کہا کہ ایکس ایک ”مؤثر عالمی ایڈریس بک“ کے طور پر کام کرے گا۔

خیال رہے کہ پلیٹ فارم نے حال ہی میں بائیو میٹرک ڈیٹا جمع کرنے کے لیے اپنی پرائیویسی پالیسی کو اپ ڈیٹ کیا ہے۔